10. august: Måløy

Søndag igjen og arrangementet i Måløy var ein suksess. Godt med berehjelp, flott backstages, mange danseglade og god overnatting for å oppsummere fort og gale. Det må nemnast at oppvartninga var den beste nokon sinne, med reke, fiskegryte og laks m/tilbehør. Takk til arrangørane som gjorde ein kjempejobb for oss.

2.-3. august: Kalvåg

Arrangørane var heldige med veret i Kalvåg. Med finver både fredag og laurdags kveld kom det over 3000 for å oppleve Kurt Nilsen, DDE og Steinar Engelbrektson m/Band. Vi storkosa på scena begge dagane og publikum var i kjempeslag. Takk til arrangør, publikum og ikkje minst Kurt Nilsen og DDE for ei flott helg i Kalvåg. Sjåast i Måløy neste laurdag 10 august.

Dansefestivalen i Sel

Sidan sist har vi besøkt Dansefestivalen i Sel. Det vart ei fantastisk helg med mykje moro. Gjengen i bandet gjorde ein flott jobb og tilbakemeldingane frå publikum er flotte. I mail frå Sjefen sjølv, Øystein Ulen er vi velkomne tilbake til Sel neste år. Vi takker for det og gler oss allerede til neste sommar. No er det ferie.

6. juli: Seljordfestivalen

Søndag 7 juli. Kom heim  i går etter ei lang reise frå Seljorfestivalen. Vi kom ned på torsdag og spelte på låven og kafescena den kvelden. Fredag på dagtid var vi på Bjørgenuten og hadde friluftskonsert. Over 200 oppmøtte hadde gått i over eit time for å vere med på denne konserten. Heilt utrulig bra. Fredagkvelden spelte vi fyrst på kafescena og deretter på hovudscena. Stor oppleving for alle oss i bandet. Vi har møtt eit fantastisk publikum som kan alle sangane våre og allsang frå fyrste til siste låt i alle sett. Tusen takk til Seljorfestivalen sine slitarar og til eit fantastisk publikum som gjorde turen til Telemark til ei minnerik oppleving. Sjåast på Dansefestivalen.no på Sel fyrstkomande fredag. Då startar vi opp på hovudscena fredags kveld.

15. juni: Dansefestival på Sande, Sunnfjord

Denne helga var det Dansefestival på Sande i Sunnfjord. Fredag var det Vassendgutane som stod for showet. Laurdag spelte vi saman med Kathe Sunde Band. Flott ver gjorde at folk kom litt ut på kvelden. Då stimla dei til og det vart fullt på dansegolvet siste timen vi spelte. Kathe avslutta kvelden med stil og det vart ein kjekk kveld med eit flott publikum og flinke arrangører. Neste speleoppdrag er det eg og Sissel som skal ha på Svelgen hotell den 29 juni.

1. juni: Rosenlund, Sandsøy

Heime etter tur til Sandsøy på Sunnmøre. Sjølv med mykje nedbør kom det mange båter til kaia ved den populære utestaden Rosenlund. Saman med Sissel spelte vi opp til dans og hadde fullt dansegolv frå start til slutt. Takk til arrangør og publikum for ein fin dansekveld. Neste speleoppdrag blir på Sande Dansefestival. Då stiller vi sterkt med heile bandet. Vi sjåast då.

18. mai: Skei i Jølster

Vi trenger ikkje reise so langt for å oppleve eit fantastisk publikum.  I går 18 mai var vi til Skei i Jølster å spelte opp til dans for nermare 1800 personer. Saman med Rune Rudberg Band laga vi kjempe stemning. Allsang på Rune sine låter «Ut mot havet» og «Kjærlighet gjør blind» og vår eigen «Bagateller» gjorde denne kvelden til ein kjempekveld for oss spelemenn. På slutten av vårt sett fekk vi besøk opp på scena av Odd Arne Sørensen. Han har ein slik publikums-tekke at det er heilt vilt. Stemninga stod i taket på låten «I mitt barndoms paradis». Takk for det besøket. No er det berre å lade opp til neste helg då vi reiser til Lindås der vi skal ha kyrkje konsert i Austrheim Kyrkje på Fredag og countrydans på Westland hotell på laurdag. Ha  ei fin veke folkens.

8.-9. mai: Gol Campingsenter

No er eg heime att etter to fantastiske dager på Gol Campingsenter. Vi spelte på onsdag i storteltet saman med Anne Nørdsti. Kjekt å synge duett med Anne. Torsdag var det tidlig opp og flytte anlegg til kyrkja der vi skulle ha konsertstart kl. 13.30. 200 personer tok i mot oss då vi entra podiet. Dei var i kjempe stemning noko som smitta over på oss. Takk til alle dokke. Då denne konserten var over var det å få på plass alt utstyret tilbake i storteltet att der Contrazt var klar på vår høgre hand. Denne kvelden vart fantastisk med over 800 på dansegolvet. Kl. 5 i dag tidlig var vi ferdig med nedrigg, og  kunne finne hotellrommet. Takk til Gol Campingsenter v/Magne Hoftun og alle dokke andre som står på for oss artistar og publikum. Lykke til med resten av helga på Gol.

20. april: Olivin-hallen på Åheim

Laurdag spelte vi i Olivin-hallen på Åheim. Vi visste før jobben at dette vart ein stor kveld. At det skulle bli utsolgt kl. 21 på kvelden hadde vi ikkje trudd. Vi i saman med Lasse Stefanz serverte god dansemusikk frå kl. 20 til 02. I går og i dag har eg fått fantastiske tilbakemeldingar frå arrangør og dei som var der for å danse. Eg er stolt av kva eg har fått til med tanke på full utskifting av medlemmane i bandet i november i fjor. Stor takk til Tor Ove, Sissel, Dagfinn, Oddmar, Olav og Lars Egil som gjorde ein kanonjobb saman med meg på scena. Framover no står go-jobbane i kø, samt starten på innspeling av neste plate.

Neste helg: øving og feiring

No nermar det seg helg att og denne skal vi bruke til øving og feiring. Trommis Tor Ove har runda dei magiske 40, og festen går av stabelen i Askvoll. Mange tidligare spelekompisar kjem og opplegget blir jam-sesson ut i dei små timer. Laurdag 20 april er eg klar med mitt band i Olivin-hallen der vi skal dra i gong med dansegalla saman med Lasse Stefanz. Vi sjåast.

Påskehelga i Høyanger

Påska er på hell og min countryduo har tilbrakt påskehelga i Høyanger der vi spelte på Nobel fredag og saman med Muri og Pesen på samfunnshuset på laurdag. I Høyanger kan dei å lage til fest og vi sender ein takk til arrangørane både fredag og laurdag for flott gjennomførte arrangement. Vi kjem gjerne tilbake til Høyanger. Til helga er det speling på Alexandra i høve landsmøte i senterpartiet. Eg har erfaring frå tidligare at det er danseglade folk i dette partiet. Det blir kjekt. 

Sidan sist: Gloppen, Florø

Lenge sida sist no. Sidan forrige gong har eg vore ute både med bandet og åleine. Eventjobber både i Gloppen og i Florø. No ligg påska framføre oss noko som skal bli kjekt. På grunn av avlysning av jobb i morgen blir det meir tid til familie og venner.  Neste jobb er  Høyanger og Nobel Pizza på langfredag. Då blir det fest. Ellers er alle velkomne til Åheim og Olivinhallen 20 april. Der stiller eg med band og spelar opp i lag med Lasse Stefanz. God påske til dokke alle.

Nordbygda samfunnshus i Masfjorden 23.februar

Denne helga gjekk turen til Masfjorden, ei kommune heilt på grensa til Sogn og Fjordane. Vi fann fram til huset etter ein tur på ferjekaia og litt rundt omkring. Flinke arrangører hadde brukt dagen til å lage i stand ei fantastisk betasuppe. Denne gjekk ned på høgkant saman med god drikke. Over 200 festglade gjorde at jobben som spelemann vart enkel. Med fullt dansegolv frå fyrste tone til kl. 01.30 var kvelden å rekne som ein suksess. Takk til oppmøtte både gamal og ung. Dette er det vi kaller ein skikkelig bygdafest. Eg kjem tilbake ved seinare høve.

Utsikten Hotell, Kvinesdal 16 febr

Langt var det å reise, men når ein blir møtt av eit entusiastisk publikum blir 11 timer i bil fort gløymt. Gjekk på scena kl. 24 etter at Bjørn Wikøren hadde satt salen i god countrystemning. Mange cowboys and cowgirls hadde kledd seg fram og var med å laga ein skikkelig countryfest i kvinesdal denne laurdagskvelden. Takk til arrangør og vertskap og ikkje minst til eit flott publikum som kom på Utsikten hotell denne helga.